1xeber.media xəbər verir ki, Təhlükəsizlik Şurasının sədr müavini Dmitri Medvedevin sözlərinə görə, hazırda Rusiyada səfərbərliyə ehtiyac yoxdur.
"Hazırda yeni səfərbərlik dalğası elan etməyə ehtiyac yoxdur", - deyə o, jurnalistlərin suallarını cavablandırarkən bildirib.
Siyasətçi xüsusi hərbi əməliyyat zonasında xidmət etmək üçün müqavilə imzalayan vətəndaşların sayının bütün döyüş tapşırıqlarını yerinə yetirmək üçün kifayət etdiyinə əminlik bildirib.
Medvedevin sözlərinə görə, 2026-cı ilin yanvar ayından bəri Müdafiə Nazirliyi ilə 80.000 nəfər müqavilə imzalayıb. "Bu rəqəmə könüllülər də daxildir", - deyə o vurğulayıb.
2025-ci ilin sentyabrında Kremlin sözçüsü Dmitri Peskov Rusiyanın könüllü resursunu kifayət qədər yüksək adlandırıb. O, "prosesin sadələşdirildiyini" bildirib, buna görə də Rusiyada yeni qismən səfərbərlik elan edilməyib.
