ABŞ-da patronların Rusiyaya qaçaqmalçılıq yolu ilə göndərilməsinə görə italiyalı silah alverçisi həbs olunub
1xeber.media xəbər verir ki,bu barədə The Insider məlumat yayıb.
Martın 30-da Bruklin federal məhkəməsində İtaliya vətəndaşı Manfred Qruber 540 min dollardan çox dəyəri olan döyüş sursatının qanunsuz ixracında özünü təqsirli bilib.
Onun nəzarətində olan İtaliya şirkətləri ABŞ-da patronlar alır, daha sonra isə onları İtaliya üzərindən Qırğızıstana ixrac edirdi. Oradan da həmin sursatlar Rusiyaya çatdırılırdı.
2022-2024-cü illərdə Rusiyada “Hornady” patronlarını alan şirkətlər arasında “Arsenal”, “Artemida”, “Ve-Kasa”, “Promtexnologiya” və “Tetis” olub.
Bu patronlardan “Vaqner” özəl hərbi şirkətinin snayperləri, “Espanyola” briqadası və Rusiya Federasiyasının 155-ci dəniz piyada briqadası istifadə edib.
Qruberin şəriki - Qırğızıstan vətəndaşı Sergey Jarnovnikov daha əvvəl 39 ay həbs cəzasına məhkum edilib.
