Rusiya Prezidenti Vladimir Putin Türkiyə Prezidenti Rəcəb Tayyib Ərdoğanla telefon danışığı aparıb.
1xeber.media xəbər verir ki, tərəflər Yaxın Şərqdə münaqişənin davam edən eskalasiyasını müzakirə ediblər və intensiv hərbi əməliyyatların enerji, ticarət və logistika sektorları da daxil olmaqla ciddi mənfi nəticələrə gətirib çıxardığını qeyd ediblər.
Həmçinin, Ukraynadakı vəziyyət də müzakirə olunub. Rusiya Prezidenti Türkiyə liderinə danışıqlar prosesini asanlaşdırmaq istəyinə görə təşəkkürünü bildirib.
Kreml qeyd edib ki, "Kiyev rejiminin Rusiya ilə Türkiyəni birləşdirən qaz nəqli infrastrukturuna və Qara dənizdə ticarət gəmilərinə zərbə vurmaq cəhdləri nəzərə alınmaqla, Qara dəniz bölgəsində təhlükəsizliyin hərtərəfli təmin edilməsi üçün əlaqələndirilmiş tədbirlərin vacibliyi vurğulanıb".
