ABŞ prezidenti Donald Trampın məsləhətçiləri onu İranın enerji obyektlərinə zərbələrin “qanuniliyinə” inandırırlar
1xeber.media xəbər verir ki,bu barədə WSJ məlumat yayıb.
Nəşrin mənbələrinin məlumatına görə, ABŞ prezidentinin yüksək rütbəli məsləhətçiləri son günlər şəxsi söhbətlərində onu İranın enerji obyektlərinin və körpülərinin artıq “qanuni hərbi hədəflər” hesab edilməli olduğuna inandırırlar. Administrasiyada hesab edirlər ki, ikili təyinatlı mülki infrastrukturun tamamilə məhv edilməsi SEPAH-ın raket qoşunlarının loqistikasını iflic etməyə və yeraltı nüvə obyektlərini enerjisiz qoymağa imkan verəcək ki, bu da faktiki olaraq Tehranı müqaviməti davam etdirmək qabiliyyətindən məhrum edəcək.
Bu plan, rejimin bazar ertəsi başa çatan 48 saatlıq ultimatumun vaxtı bitənədək təslim olmayacağı təqdirdə, Trampın İranı “daş dövrünə” qaytarmaqla bağlı son hədələrinin reallaşdırılmasının yekun mərhələsi kimi nəzərdən keçirilir.
