ABŞ prezidenti Donald Tramp aprelin 3-də İranda vurulan F-15E qırıcı təyyarəsinin ikinci pilotunu xilas etdiklərini açıqlayıb.
1xeber.media xəbər verir ki, o, bu barədə sosial şəbəkə hesabında yazıb.
"Biz İranın dərinliklərindəki dağlardan ağır yaralı və həqiqətən cəsarətli bir F-15 ekipaj üzvünü xilas etdik. İran ordusu intensiv axtarış aparırdı və bizə çox yaxınlaşmışdı. Bu tip əməliyyatlar nadir hallarda həyata keçirilir".
Həmçinin, Tramp İran körpülərini və elektrik stansiyalarını hədəf alacaqlarını və hücumlara ən böyük tikililərdən başlayacaqlarını bildirib və yazıb:
"Çərşənbə axşamı İranda Elektrik Stansiyaları və Körpü Günü olacaq; hamısı birdən baş verəcək. Buna bənzər bir şey olmayacaq! Açın boğazınızı, dəli alçaqlar, yoxsa cəhənnəmi yaşayacaqsınız. Diqqətlə izləyin!".
