Yaxın Şərqdəki münaqişə fonunda Avropa energetika böhranına hazırlaşır
1xeber.media xəbər verir ki,bu barədə El País nəşri yazıb.
Avropa Komissiyası Ukraynadakı münaqişənin başlanğıcından sonra qəbul edilmiş tədbirlərə bənzər fövqəladə addımların atılması imkanlarını araşdırır. Qısamüddətli fəaliyyətlər planına iqlim-nəzarət sistemlərində temperaturun monitorinqi, məsafədən işin stimullaşdırılması, həmçinin yanacaq normalarının tətbiqi və aviadaşımalara məhdudiyyətlərin qoyulması daxildir.
AK hazırkı mərhələdə tədarük üçün birbaşa təhlükə olmadığını iddia etsə də, "Brent" markalı neftin bahalaşması artıq Avropada qaz və neftin qiymətinə təsir göstərib. Komissiyanın rəyinə görə, münaqişə başlayandan bəri Aİ-nin enerji daşıyıcılarının idxalına çəkdiyi xərclər 14 milyard avro artıb.
Bundan əlavə, Yaxın Şərqdəki gərginlik təkcə energetika sektoruna təsir etməyə bilər. Ekspertlər gübrə tədarükündə yarana biləcək fasilələr barədə xəbərdarlıq edirlər ki, bu da məhsuldarlığa təsir edərək qlobal ərzaq böhranına yol aça bilər. Həmçinin qəzet qeyd edir ki, dərman preparatlarının təchizatında da problemlərin yaranacağı ilə bağlı ciddi narahatlıqlar var.
