1xeber.media xəbər verir ki, İspaniyanın müdafiə naziri Marqarita Robles ABŞ prezidenti Donald Trampın Hörmüz boğazını bağlamaq planını "cəfəngiyat" adlandırıb.
"Bu, dünyanın cəlb olunduğu eniş spiralının daha bir epizoddur", - deyə müdafiə naziri bildirib. O, İspaniya hökumətinin münaqişəyə qarşı çıxdığını və onun iqtisadi nəticələrindən qorxduğunu vurğulayıb.
Robles əlavə edib ki, Tramp və İsrailin baş naziri Binyamin Netanyahu öz qaydalarını beynəlxalq ictimaiyyətə tətbiq etməyə çalışırlar və Madrid bunu qəbul edə bilməz. Nazir qeyd edib ki, İspaniya regionda eskalasiyanı dəstəkləmir.
Daha əvvəl ABŞ prezidenti Donald Tramp ABŞ-ın 13 apreldə Moskva vaxtı ilə saat 17:00-da Hörmüz boğazını bağlayacağını açıqlamışdı. O, həmçinin danışıqların uğursuzluğu fonunda Hörmüz boğazını bağlamaqla yanaşı, İrana məhdud hücumları bərpa etməyi də düşünür. ABŞ rəsmilərinin fikrincə, bu, ABŞ-ın İslam Respublikasını güzəştə getməyə məcbur etmək cəhdidir.
