Xüsusi hərbi əməliyyat (XHƏ) davam edəcək, çünki Ukraynada sülh yolu ilə həll üçün danışıqlar hələ nəticə verməyib.
1xeber.media xəbər verir ki, bu barədə jurnalistlərə Rusiya prezidentinin mətbuat katibi Dmitri Peskov 13 aprel bazar ertəsi günü bildirib.
"Bu danışıqlar nəticə verənə qədər xüsusi hərbi əməliyyat davam edəcək", - Kremlin sözçüsü bildirib.
Peskov aprelin əvvəlində Ukraynadakı münaqişənin həlli üçün sülh danışıqlarının hələlik dayandırıldığını açıqlamışdı. O, bunu Amerika tərəfinin İrandakı vəziyyətlə bağlı sıx qrafiki səbəbindən Vaşinqtondan vasitəçilik imkanlarının olmaması ilə əlaqələndirib. Vladimir Putinin mətbuat katibi Moskvanın bunu başa düşdüyünü vurğulayıb.
