İran Prezidenti Məsud Pezeşkian ABŞ siyasətini və beynəlxalq ictimaiyyətin ikili standartlarını sərt tənqid edib. Gənclər və İdman Nazirliyində çıxış edən dövlət başçısı İranın nüvə proqramına qarşı Amerika təzyiqinin legitimliyini sual altına alıb.
1xeber.media xəbər verir ki,Pezeşkian birbaşa belə deyib: “ABŞ prezidenti dünya miqyasında kimdir ki, bir xalqı onun qanuni hüquqlarından məhrum etsin?” O vurğulayıb ki, dinindən və irqindən asılı olmayaraq hər bir insan öz ayrılmaz hüquqlarına sahib olmalıdır və beynəlxalq münasibətlərdə ədalətə çağırıb.
Müdafiə, təcavüz yox:
Prezident bildirib ki, İran sülhsevər ölkədir. “Biz müharibə istəmirik. Bizim etdiyimiz qanuni özünümüdafiədir. İstənilən insan və istənilən xalq hücuma məruz qalacağı təqdirdə özünü müdafiə edər”, - deyə o bildirib.
Beynəlxalq təşkilatların hərəkətsizliyi:
Pezeşkian BMT-ni və insan haqları təşkilatlarını regionda İsrail və ABŞ-nin hərəkətləri fonunda susqun qaldıqlarına görə tənqid edib. Onun sözlərinə görə, bu qurumlar dinc sakinlər, qadınlar və uşaqlar həlak olduğu halda ya “yatırlar”, ya da yalnız formal narahatlıq ifadə etməklə kifayətlənirlər
