“Politico” nəşri İranla müharibə fonunda Pentaqon daxilində yaranan ciddi fikir ayrılıqları barədə məlumat yayıb

1xeber.media xəbər verir ki,nəşrin məlumatına görə, Pentaqon rəhbəri Hegset nazir Felanın Donald Trampın şərəfinə adlandırılan nəhəng və bahalı hərbi gəmilərin inşası ilə bağlı israrlı cəhdlərindən “dərin məyusluq” keçirib. Hegset və müdafiə nazirinin müavini Stiv Faynberq iddia ediblər ki, rəqiblərin ucuz pilotsuz uçuş aparatlarından istifadə etdiyi bir vaxtda nəhəng gəmilərə milyardlarla dollar xərcləmək mənasızdır; Pentaqon rəhbərliyi isə daha kiçik ölçülü pilotsuz gəmilərə keçid etmək istəyir.

Gərginliyin digər bir səbəbi isə Felanın Hegsetdən yan keçərək birbaşa Tramp ilə əlaqə qurması və özünün “Qızıl Donanma” layihəsini müdafiə etməsi olub. Nəşr qeyd edir ki, Hegset bunu komandanlıq zəncirinin pozulması kimi qiymətləndirib.

Felan bu vəzifədə cəmi bir ildən bir qədər çox qala bildi. Onun işdən kənarlaşdırılması İranla müharibə başlayandan bəri yüksək rütbəli hərbçinin gedişi ilə bağlı ikinci hadisədir. Bundan əvvəl Hegset ordu qərargah rəisini də vəzifəsindən azad etmişdi.