Azərbaycan Respublikasının Prezidenti cənab İlham Əliyevin vətəndaşların müraciətlərinin operativ həlli ilə bağlı göstərişlərinə uyğun olaraq, Xəzər Rayon İcra Hakimiyyətində sakinlərin növbəti qəbulu keçirilmişdir.
1xeber.media xəbər verir ki,qəbul zamanı Rayon İcra Hakimiyyətinin başçısı Elşən Salahov müraciət edən vətəndaşları fərdi qaydada dinləyərək, qaldırılan məsələlərin operativ şəkildə araşdırılması və qanunvericiliyə uyğun həlli istiqamətində struktur bölmələrinin məsul əməkdaşlarına konkret tapşırıqlar vermişdir. Sakinləri maraqlandıran suallar ətraflı cavablandırılmış, müraciətlərdə əksini tapan bir sıra problemlər yerindəcə öz həllini tapmışdır. Həlli əlavə araşdırma tələb edən müraciətlərin icrası rəsmi qaydada qeydiyyata alınmaqla nəzarətə götürülmüşdür.
