Azərbaycan Respublikasının Prezidenti İlham Əliyev “Demokrat.az” xəbər portalının 2 nəfər əməkdaşını - baş redaktor Vasif Həsənlini və müxbir Törəxanım Zeynallını noyabrın 11-22-də Bakı şəhərində keçirilmiş BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) fəal iştirakına görə təltif edib.
Demokrat.az-ın baş redaktoru Vasif Həsənli ölkə Prezidenti cənab İlham Əliyevə göstərdiyi etimada və diqqətə görə minnətdarlığını bildirib.
Qeyd edək ki, COP29 dövründə “Demokrat.az” xəbər portalının əməkdaşları konfransın işıqlandırılması, iqlim dəyişikliyi ilə mübarizənin önəminin ictimaiyyətə çatırılması istiqamətində aktiv şəkildə fəaliyyət göstərib.
Tədbirin keçirildiyi 11-22 noyabr tarixlərində Demokrat.az xəbər saytında COP29-la bağlı 1000-ə yaxın material yayımlanıb.
