1xeber.media xəbər verir ki, Belarus Prezidenti Aleksandr Lukaşenko Kiyevdən gələn "atəşə" reaksiya vermir, bu, Ukrayna Prezidenti Vladimir Zelenskinin açıqlamalarına da aiddir.
"Mən Kiyevdən gələn bu boşboğazlığa reaksiya vermirəm. O cümlədən Zelenskinin də. Bu halda mən ona rəğbət bəsləməyə çalışıram", - deyə Lukaşenko bildirib və Ukrayna prezidentinin "ciddi təzyiq altında" olduğunu və vəziyyəti təhlil edib nəticə çıxarmaq istəmədiyini bildirib.
"Mən şantaj və hədə-qorxuya reaksiya verməyi öyrənmişəm. Kiyevdən Zelenskinin müvafiq açıqlamalarını eşidəndə onun niyə belə etdiyini düşünməyə başlayıram? Bəs niyə? O, Belarusla döyüşmək istəyir? Əlbəttə ki, yox", - deyə o qeyd edib.
Zelenski daha əvvəl Kiyevin Belarusa qarşı qabaqlayıcı zərbə endirmək imkanlarına malik olduğunu və respublika rəhbərliyinin bunu başa düşməli olduğunu bildirmişdi. O, Minskin Ukraynaya qarşı guya hazırlanan hücumun mümkün nəticələrini başa düşməli olduğunu vurğulayıb.
