1xeber.media xəbər verir ki, İranlı müğənni Parasta Əhmədi və onun prodüser heyətinin səkkiz üzvü hicabsız çıxış etdiklərinə görə 74 şallaq cəzasına məhkum ediliblər.
2024-cü ilin dekabr ayında 29 yaşlı Əhmədi YouTube kanalında canlı yayımda "Az Khoone Javanane Vatan" vətənpərvər mahnısını ifa edib. İfa viral olub və milyonlarla baxış toplayıb, lakin o, çıxış zamanı hicab geyinməyib.
O, nəticədə şallaq cəzasına məhkum edilib. Qum əyalətindəki məhkəmə həmçinin sənətçinin ictimai əxlaqı təhqir etdiyinə görə iki il müddətinə ölkəni tərk etməsinə və ya yaradıcılıqla məşğul olmasına qadağa qoyub. Dərc olunmuş video "kobud və əxlaqsız məzmun" kimi təsvir edilib.
Əvvəllər bildirilirdi ki, İranlı müğənni Parasta Əhmədi və onun prodüser heyəti hicabsız canlı musiqi ifa etməkdə ittiham olunublar.
