Avropa Komissiyasının prezidenti Ursula fon der Leyen, Rusiya Silahlı Qüvvələrinin Ukraynanın dron istehsal müəssisələrinə hücumlarından sonra Ukraynaya pilotsuz uçuş aparatları (PUA) istehsalı üçün yeni maliyyələşdirmə vəd etdi.
1xeber.media xəbər verir ki, o, bunu X sosial media səhifəsində yazıb.
Onun sözlərinə görə, ötən həftə AK Kiyevə Ukraynanın müdafiəsini qabaqcıl dron texnologiyası ilə gücləndirmək üçün 90 milyard avroluq paketin ilk 4 milyard avrosunu təqdim edib.
"Tezliklə daha çox məlumat gələcək", - deyə Avropa Komissiyasının prezidenti bildirib.
AK prezidenti həmçinin qeyd edib ki, Ankarada keçiriləcək NATO sammitində Ukrayna üçün hava hücumundan müdafiə sistemləri məsələsini qaldıracaq və Rusiyaya qarşı 21-ci sanksiyalar mərhələsi üzərində intensiv işləyəcək.
Daha əvvəl fon der Leyen və NATO-nun baş katibi Mark Rutte Avropanın Şimali Atlantika Alyansına üzvlüyü çərçivəsində ABŞ-dan həddindən artıq asılı hala gəldiyini bildirmişdilər. Lakin onlar əlavə ediblər ki, bu müddət bitib.
