1xeber.media xəbər verir ki, əlverişsiz hava şəraiti səbəbindən bir sıra sərnişin təyyarələri Sankt-Peterburq üzərində eniş növbəsini gözləyərək havada dövrə vurmağa məcbur olub.
Şanxaydan, Maqnitoqorskdan, Novosibirskdən və digər şəhərlərdən gələn bir neçə reys şəhər üzərində marşrutunu dəyişərək müəyyən müddət havada qalıb.
Rusiyanın "Fontanka" nəşri isə Pulkovo hava limanının mətbuat xidmətinə istinadən bildirib ki, əlverişsiz hava şəraiti səbəbindən ən azı üç təyyarə ehtiyat eniş üçün Moskva hava limanlarına yönləndirilib.
Hazırda hava şəraitinin normallaşmasından sonra reyslərin mərhələli şəkildə qəbul olunacağı gözlənilir.
Qeyd edək ki, bundan əvvəl Moskvada güclü ildırım nəticəsində bir neçə piyadanın xəsarət aldığı barədə məlumat yayılmışdı.
