Milli Məclisin sədrinin birinci müavini Əli Əhmədovun həyat yoldaşı Asya Əhmədova Bakıda özəl klinikanın direktoru olub.
1xeber.media-nın əldə etdiyi məlumata görə, Asya Əhmədova Binəqədi rayonunda yerləşən özəl, nizamnamə kapitalı 700 min 100 azn olan “Megapol Sağlamlıq Mərkəzi” MMC-nin direktoru və qanuni təmsilçisidir.
Qeyd edək ki, buna qədər adıçəkilən klinikanın direktoru və baş həkimi Əli Əhmədovun oğlu Fikrət Əhmədov idi. Daha sonra o, dövlət tibb müəssisəsində vəzifəyə təyin edildiyi üçün özəl klinikasındakı işindən ayrılıb. F.Əhmədov hazırda Respublika Kliniki Uroloji Xəstəxanasının baş həkimi vəzifəsində çalışır.
