1xeber.media xəbər verir ki, ABŞ Prezidenti Donald Tramp İraqın Baş naziri Əli əl-Zaidi ilə görüşü zamanı onun haqqında zarafatla "gənc və yaraşıqlıdır" ifadəsini işlədib. Görüş Ağ Evin rəsmi YouTube kanalında canlı yayımlanıb.
"O, gənc və yaraşıqlıdır. Bu, mənim xoşuma gəlmir. Bundan məmnun deyiləm", – deyə Tramp bildirib.
ABŞ prezidentinin bu sözlərindən sonra İraqın baş naziri gülümsəyərək reaksiyasını ifadə edib.
Bundan əvvəl İranın ABŞ-ın Yaxın Şərqdəki hərbi bazalarına cavab zərbələri endirdiyi barədə məlumatlar yayılmışdı. Bildirilirdi ki, İraqın şimalındakı "Əl-Hərir" hərbi bazası, ABŞ Silahlı Qüvvələrinə məxsus hərbi radar, həmçinin Hörmüz boğazında ABŞ-a məxsus hərbi gəmilər və kater hədəfə alınıb.
