1xeber.media xəbər verir ki, Polşada Patriot zenit-raket kompleksinin (ZRK) ehtimal olunan hədəflərə, o cümlədən Su-35S qırıcısına qarşı tətbiqinin üç mümkün ssenarisi açıqlanıb.
Məlumata görə, A ssenarisi raketin maksimum 107 kilometr məsafədə hədəfi vurmasını nəzərdə tutur. Bu halda raket ən sərfəli enerji rejimində – ballistik trayektoriya üzrə hədəfə doğru hərəkət edir və onu qarşılayır.
B ssenarisi64 kilometr məsafədə cinahdan ələ keçirməni nəzərdə tutur. Bu vəziyyətdə hədəf paralel istiqamətdə uçur, raket isə tədricən istiqamətini dəyişərək hədəfə yönəlir və manevrlər zamanı kinetik enerjisinin bir hissəsini sərf edir.
C ssenarisi isə ən əlverişsiz variant hesab olunur. Bu ssenariyə əsasən, hədəf 44 kilometr məsafədə ya arxadan təqib edilərək vurulur, ya da raket startdan dərhal sonra maksimum yüklənmə ilə manevr etməli olduğu şəraitdə hədəfi məhv etməyə çalışır.
