1xeber.media xəbər verir ki, Almaniyanın daxili işlər naziri Aleksander Dobrindt Almaniyada yaşayan gənc ukraynalıların döyüş bölgəsinə qayıtmasının əsaslandırılmış olduğunu bildirib. O, bu barədə Welt am Sonntag nəşrinə müsahibəsində danışıb.
Nazirin sözlərinə görə, standart prosedur əsasında sığınacaq almaq prinsip etibarilə mümkündür. Bununla belə, hərbi xidmətdən yayınmaq Almaniyada sığınacaq verilməsi üçün hüquqi əsas hesab edilmir.
Dobrindt qeyd edib ki, hazırda ukraynalılar Avropa İttifaqının Kütləvi Axın Direktivinin (Temporary Protection Directive) təsiri altına düşdükləri üçün Almaniyada qalmaq hüququna malikdirlər. O bildirib ki, suriyalı qaçqınlarla bağlı isə hər müraciət fərdi qaydada qiymətləndirilir.
Nazirin fikrincə, gələcəkdə Ukraynadan olan hərbi xidmət yaşında kişilər artıq sözügedən direktivin əhatə dairəsinə daxil edilməməlidirlər.
Xatırladaq ki, daha əvvəl Almaniya üçün Alternativ (AfD) Partiyasının həmsədri Tino Xrupalla "Şimal axını" qaz kəmərlərində baş vermiş təxribatda iştirakı şübhə doğuran Ukrayna vətəndaşına qarşı irəli sürülən ittihamlardan sonra Kiyevə hərbi yardımın dayandırılmasına çağırmışdı.
