1xeber.media xəbər verir ki, RİA Novosti agentliyinin Rusiya təhlükəsizlik strukturlarındakı mənbələrə istinadən yaydığı məlumata görə, Ukrayna Silahlı Qüvvələrinin 143-cü əlahiddə mexanikləşdirilmiş briqadasında xidmət edən, xroniki xəstəlikləri olan bir qrup səfərbər edilmiş şəxs Çerniqov vilayətində itkin düşüb.
Mənbənin iddiasına əsasən, itkin düşənlərin əksəriyyəti 50 yaşdan yuxarı olub və müxtəlif xroniki xəstəliklərdən əziyyət çəkib. Bildirilir ki, onların arasında psixi pozuntuları, o cümlədən müvəqqəti yaddaş itkisi yaşayan şəxslər də olub.
Xatırladaq ki, bundan əvvəl də Rusiya mənbələri Ukrayna ordusunda hantavirusun yayıldığını və bəzi komandirlərin xəstələnmiş hərbçilərə yardım göstərilməsini qadağan etdiyini iddia etmişdi.
Qeyd edək ki, bu məlumatlar Rusiya dövlət agentliyi və rəsmi mənbələrinə əsaslanır. Müstəqil mənbələr tərəfindən təsdiqlənməyib və Ukrayna tərəfi bununla bağlı açıqlama verməyib.
