1xeber.media xəbər verir ki, Çin istehsalı Avatr elektromobilləri Rusiyada satış baxımından rekord göstəriciyə çatıb.
Analitik Sergey Tselikovun məlumatına görə, ötən həftə Rusiyada 155 yeni Avatr elektromobili qeydiyyata alınıb. Bu, markanın ölkə bazarında fəaliyyətə başladığı vaxtdan bəri ən yüksək həftəlik nəticədir.
Bildirilib ki, avtomobillərə marağın kəskin artması nəticəsində iyunun 29-dan iyulun 26-dək dörd həftə ərzində 442 nəfər Avatr avtomobilinin sahibi olub. Müqayisə üçün, 2026-cı ilin əvvəlindən əvvəlki 26 həftə ərzində dilerlər cəmi 418 belə avtomobil satmışdı.
Avatr avtomobilləri Rusiyada ilk dəfə 2023-cü ilin yazında görünsə də, rəsmi satışlara 2025-ci ilin yanvarından başlanılıb. Ümumilikdə indiyədək ölkədə 3 mindən bir qədər çox bu markanın elektromobili qeydiyyata alınıb.
Ötən həftə Avatr Rusiyada bütün elektrik avtomobili markaları arasında birinci yerə yüksəlib. Eyni zamanda Umo markasının satışları kəskin azalaraq 42 avtomobilə düşüb. Analitik bunu dilerlərdə ehtiyat avtomobillərin azalması ilə əlaqələndirib.
Mütəxəssisin sözlərinə görə, oxşar vəziyyət daha əvvəl Evolute markasında da yaşanıb — elektromobillər demək olar ki, tam satılıb, yeni tədarüklər isə hələ həyata keçirilməyib.
Bundan əvvəl Rusiyada Exeed RX krossoverlərinin böyük endirimlərlə satışa çıxarıldığı bildirilmişdi. 2025-ci il buraxılışı olan bəzi komplektasiyalarda endirimlərin 961 min rubldan 1 milyon rubla qədər olduğu qeyd olunmuşdu.
