1xeber.media xəbər verir ki, Ukraynada keçirilən xüsusi hərbi əməliyyat (SVO) zonasından yaralı qayıdan rusiyalı hərbçi Tümen şəhərində mənzil və nəzərdə tutulan ödənişlərlə bağlı problemlə üzləşib.
Rusiya insan hüquqları üzrə müvəkkili Yana Lantkratova Telegram kanalında bildirib ki, hərbçi xidmətə qayıtdıqdan sonra hüquqi və inzibati maneələrlə qarşılaşıb.
Məlumata görə, həmin şəxs 2019-cu ilə qədər bələdiyyəyə məxsus yaşayış sahəsində qeydiyyatda olub və orada yaşayıb. Daha sonra işləmək üçün başqa yerə gedib və Tümendə uzun müddət yaşamaması səbəbindən məhkəmə qərarı ilə həmin otaqdan istifadə hüququnu itirib.
2022-ci ildən etibarən hərbçi SVO zonasında döyüş tapşırıqlarını yerinə yetirib və orada yaralanıb. Xidmətdən qayıtdıqdan sonra daimi qeydiyyatının olmaması səbəbindən əlilliyin rəsmiləşdirilməsi və ona düşən ödənişlərin alınması çətinləşib. O, eyni zamanda yaşayış yeri problemi ilə üzləşib.
Lantkratova bildirib ki, məsələ nəzarətə götürülüb və aidiyyəti qurumlara lazımi sorğular göndərilib.
Bundan əvvəl Mari El Respublikasında da SVO iştirakçısına yaralanmaya görə ödəniş verilməsindən imtina edildiyi bildirilmişdi. Məlumata görə, imtinanın səbəbi onun həmin regionda qeydiyyatının olmaması olub.
