Ermənistanın Azərbaycanla tərəfdaşlığı ola bilər, o cümlədən elektrik enerjisinin ixracı və idxalı xətti sahəsində də.
1xeber.media Report-a istinadla xəbər verir ki, bu barədə ölkənin Baş naziri Nikol Paşinyan brifinqdə bildirib.
Baş nazir azərbaycanlı mütəxəssislərin Ermənistana səfərlərini təsdiqləyərək, səfərlərin 2025-ci ilin sentyabrında və 2026-cı ilin yanvarında baş tutduğunu qeyd edib. Elektrik ötürücü xətlər, dəmir yolu, boru kəmərləri və s. ilə bağlı müzakirələr edilib.
"Biz əvvəllər də demişdik ki, elektrik ötürücü xətləri, boru kəmərləri, kabellər, dəmir yolları üzərində işləyirik və bu məsələlər üzrə ikitərəfli iş aparılır", - Paşinyan qeyd edib.
