Moskvada Fövqəladə Hallar Nazirliyinin əməkdaşı Artem küçədə fotoqrafla tanış olduqdan sonra onun fotosessiyasında iştirak edib və sosial şəbəkələrdə məşhurlaşıb.
1xeber.media xəbər verir ki, fotoqraf Darya Qorşkova küçədə qarşılaşdığı xilasediciyə model olmağı təklif edib. Artem bu təklifi qəbul edib və daha sonra fotosessiya üçün fotoqrafın studiyasına dəvət olunub.
Məlumata görə, fotosessiya zamanı FHN əməkdaşı gündəlik üslubda müxtəlif geyimlərdə kamera qarşısına keçib. O, qəhvəyi mayka və bomber gödəkçə ilə yanaşı, geniş cins şalvar və qara dəri gödəkçədən də istifadə edib.
Fotoqraf çəkilişdən görüntüləri sosial şəbəkədə paylaşdıqdan sonra kadrlar istifadəçilərin diqqətini cəlb edib və qısa müddətdə geniş yayıılıb.
Beləliklə, xilasedicinin təsadüfi fotosessiya üçün kamera qarşısına keçməsi onun gözlənilmədən internetdə tanınmasına səbəb olub.
