Avqustun 25-də doğma yurduna yola salınan köç karvanları Xocavənd şəhərinə, rayonun Qırmızı Bazar qəsəbəsinə və Quzeyxırman kəndinə çatıb.
1xeber.media xəbər verir ki, bu mərhələdə Xocavənd şəhərində 88 nəfərdən ibarət 19 ailəyə, Qırmızı Bazar qəsəbəsində 42 nəfərdən ibarət 11 ailəyə, Quzeyxırman kəndində 61 nəfərdən ibarət 13 ailəyə mənzillərin açarları təqdim edilib. Mərasimdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
