Ermənistan Müdafiə Nazirliyində yeni istefalar gözlənilir.
1xeber.media xəbər verir ki, bu barədə “Hraparak” məlumat yayıb.
Qəzetin məlumatına görə, ordudakı vəziyyət və ölüm hallarının artması ilə bağlı ictimai narazılıq fonunda hakimiyyət Müdafiə Nazirliyində bir sıra yüksəkrütbəli hərbçiləri vəzifədən uzaqlaşdırmağa hazırlaşır.
Nəşr yazır ki, müdafiə naziri Suren Papikyan istefa tələblərinin gündəmdən çıxarılması və daha sərt mövqe nümayiş etdirmək məqsədilə bir neçə generalı vəzifəsindən azad etməyi, onların yerinə isə daha gənc və hakimiyyətə bağlı kadrlar gətirməyi planlaşdırır.
Qəzetin mənbəsinin sözlərinə görə, Silahlı Qüvvələrin Baş Qərargah rəisinin müavini Temur Şahnazaryan da vəzifəsindən ayrılacaq yüksəkrütbəli hərbçilər arasında ola bilər.
Qeyd edilir ki, orduda baş verənlərlə bağlı həm cəmiyyətdə, həm də hakimiyyət daxilində narazılıq artır. “Hraparak” bu prosesləri “cadugər ovu” kimi qiymətləndirib.
