Bu ilin iyul ayında Azərbaycana İspaniyadan 1 ədəd ağac materialından tabut gətirilib.
1xeber.media xəbər verir ki, ölkəyə gətirilən tabutun gömrük dəyəri 130 dollar (221 manat) olub.
Məlumat üçün bildirək ki, bir müddət əvvəl bəzi xəbər saytlarında ötən ilin ilk 10 ayında Azərbaycana Çindən 8 000 ədəd “ağac məmulatlarından tabutlar” idxal edildiyi barədə xəbər yayılıb. Bu xəbər sosial şəbəkələrdə geniş müzakirələrə səbəb olub.
Daha sonra Gömrük Komitəsi məlumat yayaraq bildirib ki, Çin Xalq Respublikasından idxal edilən “taxta paltar sancaqları” malı rəsmiləşdirilən zaman gömrük bəyannaməsində malın təsviri və XİF MN kodunun ilk 4 rəqəmi düzgün qeyd olunub, növbəti 5-ci və 6-cı rəqəm səviyyəsində isə texniki xətaya yol verilib.
