Rumıniyada “Lukoyl”a məxsus Petrotel neft emalı zavodunun fəaliyyətinin bərpa edilməməsi halında təxminən 460 şirkətin müflis ola biləcəyi açıqlanıb.
1xeber.media xəbər verir ki, bu barədə Rumıniya həmkarlar ittifaqları konfederasiyası Cartel Alfanın rəhbəri Xossu bildirib. Onun sözlərinə görə, müəssisələrin kütləvi şəkildə bağlanması nəticəsində təxminən 8 min nəfər işsiz qala bilər.
Petrotel zavodu Rumıniyada emal olunan neftin təxminən 21 faizini təmin edir. Müəssisənin fəaliyyəti ABŞ-ın Rusiyaya qarşı tətbiq etdiyi sanksiyalar səbəbindən faktiki olaraq dayanıb. Hazırda zavodda və Rumıniyadakı 300 “Lukoyl” yanacaqdoldurma məntəqəsində ümumilikdə 3,5 minə yaxın insan çalışır.
“Lukoyl”un əsas səhmdarlarından və uzun illər şirkətə rəhbərlik edən şəxslərdən biri Vahid Ələkbərovdur. Şirkətin Rumıniyadakı fəaliyyətinin dayanmasının ölkənin neft emalı və yanacaq bazarına, eləcə də yüzlərlə yerli şirkətə təsir göstərə biləcəyi bildirilir.
