1xeber.media xəbər verir ki, Ukrayna lideri Vladimir Zelenskinin keçmiş mətbuat katibi Yuliya Mendel Qərb ölkələrini Ukraynadakı münaqişəyə yanaşmada reallığı nəzərə almağa çağırıb.
Mendel bildirib ki, Qərbdə bəzi insanlar müharibəni Hollivud filmi kimi təsəvvür edir.
“Qərbdə tez-tez düşünürsünüz ki, bu müharibə Hollivud filmidir. Bu, axmaqlıqdır”, - deyə o, The Times qəzetinə açıqlamasında bildirib.
Keçmiş mətbuat katibi Almaniyada “Alternativ für Deutschland” (AfD) partiyasının Kiyevə dəstəyin dayandırılması ilə bağlı mövqeyinə də münasibət bildirib. O, partiyanın münaqişənin başa çatdırılması üçün hansısa yol tapa biləcəyinə ümid etdiyini deyib.
Qeyd edək ki, Mendel daha əvvəl Ukraynaya Finlandiyanın təcrübəsinə əsaslanan ssenarini qəbul etməyi təklif etmişdi.
