Rusiya Xarici İşlər Nazirliyinin sözçüsü Mariya Zaxarova, Rusiya nazirliyi ilə ABŞ Dövlət Katibi Marko Rubio arasında keçirilən görüşdən sonra tərəflərin verdiyi şərhlərdəki uyğunsuzluqların səbəbini izah edib.
1xeber.media xəbər verir ki, o, öz fikirlərini "Solovyov Live" kanalında Vladimir Solovyovla müsahibədə bölüşüb.
"Düşünürəm ki, yalnız həmin anda xüsusilə ehtiyac duyduqları məqamları önə çıxarmaq sadəcə Amerika üslubudur. Bizim şərhimiz isə baş tutan söhbətin əsas məqamlarını olduğu kimi əks etdirir", - deyə diplomat bildirib.
Söhbət Rusiya xarici işlər naziri Sergey Lavrov ilə Marko Rubio arasında Nyu-Yorkda, BMT Baş Assambleyasının 81-ci sessiyasının Yüksək Səviyyəli Həftəsi çərçivəsində keçirilən danışıqlardan gedirdi. Zaxarova həmçinin ABŞ tərəfinin görüşlə bağlı əlavə izahatlar verə biləcəyi ehtimalını da istisna etməyib.
Daha əvvəl Rusiya xarici işlər naziri Sergey Lavrov BMT Baş Assambleyası çərçivəsində ABŞ Dövlət Katibi Marko Rubio ilə görüşmüşdü. Görüş zamanı iki ölkənin nümayəndələri Rusiya-Ukrayna münaqişəsini və ABŞ ilə Rusiya arasındakı ikitərəfli münasibətləri müzakirə etmişdilər.
