1xeber.media xəbər verir ki, İran Prezidenti Məsud Pezeşkian ölkəsinin ABŞ və İsraillə qarşıdurmada öz mövqeyini qorumaqda davam etdiyini bildirib.
Pezeşkianın sözlərinə görə, sanksiyalar vasitəsilə İran xalqına təsir göstərə biləcəklərini düşünənlər yanılıblar.
İran prezidenti ABŞ və İsrailin Tehranın öz imkanlarına arxalanmasına mane olmağa çalışdığını deyib. O bildirib ki, buna baxmayaraq, İran ölkənin və əhalinin inkişafına sərmayə yatırmaq siyasətini davam etdirəcək.
Pezeşkianın sözlərinə görə, ABŞ və İsrail İran rəhbərliyinin bir neçə gün ərzində devriləcəyini hesab edərək regiondakı ölkələri müharibəyə cəlb ediblər.
“İran xalqı ABŞ və İsrailin hücumları qarşısında tab gətirib və öz mövqeyində qalmağa davam edəcək”, – deyə Pezeşkian bildirib.
İran lideri regional təhlükəsizliyin region ölkələri arasında əməkdaşlıq yolu ilə təmin edilə biləcəyini də vurğulayıb.
