Rusiya Silahlı Qüvvələri Xarkov vilayətindəki Kreydyanka və Donetsk Xalq Respublikasındakı Veseloye Pole yaşayış məntəqələrini azad edib.
1xeber.media xəbər verir ki, Rusiya Müdafiə Nazirliyi bu barədə sentyabrın 29-da məlumat yayıb.
Açıqlamada deyilir: "Xarkov vilayətindəki Kreydyanka yaşayış məntəqəsi azad edilib... 'Mərkəz' qoşun qruplaşmasının bölmələri Donetsk Xalq Respublikasındakı Veseloye Pole yaşayış məntəqəsini azad edib".
Bundan əlavə, "Mərkəz" qoşun qruplaşmasının bölmələri Ukrayna Silahlı Qüvvələrinin (USQ) iki mexanikləşdirilmiş briqadasının, bir dəniz piyada briqadasının və Milli Qvardiyanın iki briqadasının şəxsi heyəti və texnikasına zərbələr endirib. "Mərkəz" qoşun qruplaşmasının fəaliyyət zonasında USQ-nin ümumi itkiləri 460-a qədər hərbi qulluqçu, iki zirehli döyüş maşını, 13 avtomobil və bir "Msta-B" artilleriya qurğusu təşkil edib.
