Naxçıvanın Şərur rayonunda məktəblilər üçün gündəliklərlə bağlı narazılıq yaranıb.
1xeber.media Bizimesr.media-ya istinadla xəbər verir ki, valideynlərin iddiasına görə, ənənəvi məktəbli gündəlikləri bəzi məktəblərdə qəbul edilmir və şagirdlərdən üzərində həmin məktəblərin şəkilləri olan xüsusi gündəliklərin alınması tələb olunur.
Valideynlər bildiriblər ki, bu gündəliklər rayonun “Kitab evi”ndə hazırlanır və əvvəl satılan gündəliklərdən təxminən iki dəfə baha qiymətə təklif olunur. Şərur şəhər 2 nömrəli tam orta məktəbində üç övladı təhsil alan valideynlərdən biri bildirib ki, əvvəl aldığı 1,50 manatlıq gündəliklərin məktəbdə qəbul edilməməsi səbəbindən yenidən gündəlik almağa məcbur olub. Onun sözlərinə görə, yeni gündəliyin qiyməti 3 manatdır.
Digər valideyn isə gündəliklərin məcburi şəkildə konkret satış yerindən alınmasından narazılığını ifadə edib və vəziyyəti “gündəlik monopoliyası” adlandırıb. Valideynlərin sözlərinə görə, onlara digər gündəlikləri qaytarmaq və yalnız məktəb üçün hazırlanmış gündəliklərdən istifadə etmək bildirilib.
Qeyd olunur ki, bu gündəliklərin hazırlandığı “Kitab evi” rayon rəhbərliyininyazın qohumlarınındır.
