1xeber.media xəbər verir ki, Azərbaycan Prezidenti İlham Əliyev ölkəsinin İslam həmrəyliyinin gücləndirilməsi istiqamətində birləşdirici rol oynadığını bildirib.
Dövlət başçısı qeyd edib ki, Azərbaycan İslam dünyasının müxtəlif ölkələri ilə münasibətlərin inkişafına və əməkdaşlığın genişləndirilməsinə xüsusi əhəmiyyət verir.
Prezident vurğulayıb ki, Azərbaycan İslam ölkələri arasında qarşılıqlı hörmət, həmrəylik və əməkdaşlığın möhkəmləndirilməsini dəstəkləyir. Onun sözlərinə görə, Bakı müxtəlif platformalarda müsəlman ölkələrini bir araya gətirən təşəbbüslərlə çıxış edir.
İlham Əliyev bildirib ki, İslam dünyasında birlik və həmrəyliyin gücləndirilməsi həm regional, həm də beynəlxalq səviyyədə əməkdaşlığın inkişafına töhfə verə bilər.
