Həm şagirdlər, həm də müəllimlər məktəblərdə müəyyən normalara əməl etməlidirlər. O normalar əsasında məktəbin fəaliyyəti tənzimlənməlidir.
1xeber.media xəbər verir ki, bu sözləri Axar.az-a açıqlamasında millət vəkili Ceyhun Məmmədov bildirib.
“Azərbaycanda təhsil dünyəvi xarakter daşıyır. O mənada verilən qərarın əsas məqsədi məktəbdə səliqəli geyimin təmin olunması və məktəbə aidliyin qorunmasıdır.
Məktəb tək təhsil deyil, həm də tərbiyə müəssisəsidir. Burada müəllim öz şagirdi üçün nümunə olmalıdır və özünün fəaliyyəti və davranışında bunu əks etdirməlidir”,- deyə deputat qeyd edib.
