Azərbaycan palçıq vulkanlarının sayına görə dünyada ən zəngin ölkələrdən biri hesab olunur.
1xeber.media xəbər verir ki, ölkə ərazisində 350-dən çox palçıq vulkanı qeydə alınıb. Onların böyük hissəsi Abşeron yarımadasında, Qobustanda və Xəzər dənizinin Azərbaycan sektorunda yerləşir.
Palçıq vulkanları yerin dərinliklərindən qaz, su və palçıq qarışığının səthə çıxması nəticəsində yaranır. Bəzi vulkanların püskürməsi zamanı alov da müşahidə olunur.
Azərbaycandakı palçıq vulkanlarının bir qismi təbiət abidəsi kimi qorunur. Onlar ölkənin geoloji və təbii irsinin maraqlı nümunələrindən sayılır.
