1xeber.media xəbər verir ki, Bakının Xətai rayonunda yerləşən 1 saylı şəhər poliklinikasında növbə qaydalarının pozulması ilə bağlı vətəndaş narazılığı yaranıb.
Vətəndaşın iddiasına görə, poliklinikanın qeydiyyat şöbəsində çalışan əməkdaş sürücülük vəsiqəsi almaq üçün tələb olunan sağlamlıq haqqında tibbi sənədə möhür vurdurmaq istəyən qohumunu növbədənkənar qəbul etdirib.
Şikayətçi bildirib ki, vətəndaşlar 2-3 saat növbə gözlədiyi halda, qeydiyyatçı xanım öz qohumlarını növbəsiz şəkildə içəri buraxıb. Qeydiyyatçı isə növbəsiz qəbul edilən şəxsin onun qardaşı olduğunu deyib. Məsələ ilə bağlı aidiyyəti qurumlara sorğu göndərilib.
