1xeber.media xəbər verir ki, 2026-cı ilin ilk 9 ayında Azərbaycanın kartof ixracı həm həcm, həm də gəlir baxımından artıb.
Dövlət Gömrük Komitəsinin məlumatına görə, hesabat dövründə xaricə 77 min 407,89 ton kartof satılıb. Bu, ötən ilin eyni dövrü ilə müqayisədə 9% çoxdur.
Kartof ixracından əldə olunan gəlir isə 29,71 milyon dollar təşkil edib. Ötən ilin ilk 9 ayında bu göstərici 28,20 milyon dollar olub. Beləliklə, ixrac gəliri 5,3% artıb.
Kartofun Azərbaycanın ümumi ixracındakı payı isə 2025-ci ildəki 0,15%-dən 2026-cı ilin ilk 9 ayında 0,12%-ə düşüb. Qeyri-neft ixracında kartofun payı da 1,06%-dən 0,45%-ə enib.
