1xeber.media xəbər verir ki, Birləşmiş Ərəb Əmirliklərinin (BƏƏ) dövlət naziri Lana Nusseibeh BMT-nin növbəti baş katibi vəzifəsinə namizədliyini irəli sürüb. Bu barədə “Reuters” məlumat yayıb.
Nusseibeh uzun illər BƏƏ-ni BMT-də təmsil edib, 2013–2024-cü illərdə ölkəsinin təşkilatdakı daimi nümayəndəsi olub. O, namizədliyini açıqlayarkən BMT-nin beynəlxalq böhranların həllində daha fəal rol oynamalı olduğunu bildirib.
BƏƏ rəsmisi seçiləcəyi təqdirdə BMT-yə rəhbərlik edən ilk qadın ola bilər. Bununla belə, baş katibin seçilməsi Təhlükəsizlik Şurasının tövsiyəsi və Baş Assambleyanın qərarı ilə həyata keçirilir. Namizədlərlə bağlı məsləhətləşmələr davam edir.
