Azərbaycanın Elm və Təhsil Nazirliyi İranda azərbaycanlıların ana dilində təhsil imkanlarının olmamasına diqqət çəkib.
1xeber.media xəbər verir ki, nazirliyin açıqlamasında İranın həyata keçirdiyi siyasət nəticəsində bu ölkədə Azərbaycan dilində tədris aparılan bir məktəbin belə olmadığı bildirilib. Qeyd olunub ki, ali təhsil müəssisələrində də Azərbaycan dilində tədris həyata keçirilmir.
“Halbuki İran əhalisinin təxminən 40 milyonunu köklü etnik azərbaycanlılar təşkil edir və onlar onilliklərdir öz ana dillərində təhsil almaq hüququndan məhrum edilirlər”, – deyə açıqlamada vurğulanıb.
Nazirlik İranın elm, tədqiqat və texnologiya naziri Hüseyn Simayi-Sərrafa və bu mövzuda çıxış edən digər şəxslərə Azərbaycanın daxili işlərinə müdaxilə etmək əvəzinə, həmin ədalətsizliyin aradan qaldırılması üçün tədbirlər görməyi tövsiyə edib.
