"Psixoloq ştatlarının ayrılması ilə bağlı Nazirlər Kabinetinin 70 nömrəli qərarı var. Təbii ki, bu yetərli deyil, çünki min nəfərə cəmi bir psixoloq düşür. Eyni zamanda bizim "Məktəblinin dostu" layihəmiz var, 400 məktəbdə bu işləri görürük, 1300-dən çox sosial pedaqoqumuz var".
1xeber.media xəbər verir ki, bunu Milli Məclisin Aqrar siyasət, Ailə, qadın və uşaq məsələləri, Elm və təhsil komitələrinin bu gün keçirilən iclasında “Azərbaycan Respublikasının 2027-ci il dövlət büdcəsi haqqında” qanun layihəsinin müzakirəsi zamanı elm və təhsil nazirinin müavini Kənan Kərimzadə deputatların məktəblərdəki şagird sıxlığı ilə bağlı sualını cavablandırarkən deyib.
"Amma razıyam ki, əhatəliliyi artırmaqla bağlı işlər görməliyik. Açığı planlarımız var, amma aidiyyəti qərarlar yoxdur deyə nə biz, nə də Maliyyə Nazirliyi yəqin ki, bunu hələ elan etməyəcəyik. 2028-ci ildən təşəbbüslərimiz olacaq", - deyə nazir müavini bildirib.
