ABŞ Prezidenti Donald Tramp Rusiya, Çin və ABŞ arasında açıq və məhsuldar dialoqun davam etdirilməsinin vacibliyini bəyan edib.
1xeber.media xəbər verir ki, Tramp bu barədə noyabrın 19-da Rusiya Prezidenti Vladimir Putin və Çin Sədri Si Cinpinlə keçirilən görüşdə danışıb.
ABŞ lideri bildirib ki, üç ölkə böyük dövlətlər olmaqla yanaşı, həm öz xalqları, həm də bütün dünya qarşısında mühüm məsuliyyət daşıyır.
“Bizim müzakirə etməli olduğumuz çoxlu məsələlər var və artıq bir çox mövzunu müzakirə etmişik. Biz üç böyük ölkəyik. İnsanlarımızın, eləcə də bütün planetin vətəndaşlarının həyatına təsir edən açıq və məhsuldar dialoqu davam etdirmək məsuliyyətimiz var”, – deyə Tramp vurğulayıb.
Amerika lideri, həmçinin Rusiya və Çin rəhbərləri ilə bir araya gəlməyi özü üçün böyük şərəf hesab etdiyini bildirib.
Qeyd edək ki, üç ölkə liderinin görüşü beynəlxalq münasibətlər, qlobal təhlükəsizlik və böyük dövlətlər arasında əməkdaşlıq məsələləri baxımından diqqət çəkir.
















