Rusiyanın xarici işlər naziri Sergey Lavrov Rusiya Prezidenti Vladimir Putin, ABŞ Prezidenti Donald Tramp və Çin Sədri Si Cinpin arasında keçirilən üçtərəfli danışıqların nəticələri ilə bağlı suala cavab verməkdən yayınıb.
1xeber.media xəbər verir ki, onun açıqlamasını jurnalist Pavel Zarubin Telegram kanalında yayımlayıb.
Jurnalist Lavrovdan üç lider arasında keçirilən danışıqların nə dərəcədə uğurlu olduğunu soruşub. Rusiya xarici işlər naziri isə suala qısa cavab verib:
“Danışıqları prezident aparırdı. Niyə soruşursunuz?”
Qeyd edək ki, Putin, Tramp və Si Cinpin arasında üçtərəfli görüş noyabrın 19-da Çinin Şençjen şəhərində APEC sammiti çərçivəsində keçirilib. Danışıqlarda beynəlxalq təhlükəsizlik, Ukrayna münaqişəsi və nüvə silahlarının yayılmasının qarşısının alınması kimi məsələlər müzakirə olunub.
















