Mozambikdə prezident seçkilərinin nəticələrinə etirazlar zamanı 7 nəfər ölüb.
1xeber.media xəbər verir ki, bu barədə yanvarın 15-də AFP agentliyi məlumat yayıb.
“Yerli QHT-nin məlumatına görə, yeni siyasi iğtişaşlar zamanı yeddi etirazçı öldürülüb”, nəşrin Telegram kanalı bildirib.
Yanvarın 15-də ölkənin seçilmiş prezidenti Daniel Çapunun andiçmə mərasimi keçirilib. Gazeta.Ru-nun xəbərinə görə, Mozambik sakinlərinin çoxu 2024-cü il oktyabrın 9-da keçirilən seçkilərdə müstəqil namizəd və müxalifət lideri Venansio Mondleynin qalib gələcəyinə ümid edirdilər. O, məğlubiyyətini etiraf etməyib.
