Naxçıvan şəhər 12 nömrəli tam orta məktəbin 4-cü sinif şagirdi Əsmənur Kərimli İstanbulda keçirilən “STEAM AHEAD-2024” olimpiadasının final mərhələsində iştirak edərək, riyaziyyat fənni üzrə bürünc medala layiq görülüb.
Naxçıvan Muxtar Respublikası Təhsil Nazirliyinin mətbuat xidmətindən 1xeber.media Naxçıvan bürosuna bildirilib ki, Əsmənur Kərimli 2024-cü ilin aprel ayında keçirilən “SASMO-2024” olimpiadasının qalibi kimi “STEAM AHEAD-2024” olimpiadasına qatılıb və bu uğura imza atıb.
Qeyd edək ki, olimpiadanın final mərhələsində 21 ölkədən 1254 məktəbli iştirak edib.
