Məşhur müğənni Katy Perry bütün qadınlardan ibarət ekipajla kosmosa səyahət edən ilk müğənni olmaqla adını tarix yazıb.
1xeber.media xəbər verir ki, bu tarixi səyahət "Amazon" şirkətinin sahibi Jeff Bezosa məxsus kosmos şirkəti "Blue Origin-in NS-31" missiyasının bir hissəsi olaraq həyata keçirilib.
Müğənnini jurnalist və Bezosun nişanlısı Lauren Sanchez, televiziya aparıcısı Geyl King, NASA mühəndisi Aisha Bowe, fəal və alim Amanda Nguyen və kinorejissor Kerianne Flynn müşayiət edib. Bu ekipaj 1960-cı illərdən bəri qadından ibarət ilk kosmik ekipajdır.
"Blue Origin" şirkətinin "New Shepard" kosmik gəmisi tərəfindən həyata keçirilən uçuş təxminən 10 dəqiqə davam edib. Səyahət kapsulun paraşütlərdən istifadə edərək təhlükəsiz şəkildə Texasa enməsi ilə başa çatıb.
Katy Perry bu unikal təcrübəsini sosial media hesabında paylaşaraq kosmosa getməyin həyəcanını və ilhamverici tərəflərini izah edib.
"Blue Origin" kosmos turizmi sektorunda İlon Maskın "SpaceX" və Richard Bransonun "Virgin Galactic" şirkətləri ilə rəqabət aparır. Şirkət 2021-ci ildən peşəkar astronavtlar olmadan ekipajlı uçuşlar həyata keçirir. Məlumata görə, "Blue Origin" ilə kosmosa səyahət etmək istəyənlər təxminən 150.000 dollar ödəməli olacaqlar.
Bu cür mülki uçuşlar kosmik turizmi genişləndirmək və daha çox insanın Yer kürəsini kosmosdan görmək arzusunu həyata keçirmək məqsədi daşıyır. Səyahət kosmik turizm və gender təmsilçiliyi baxımından mühüm mərhələ hesab olunur.
