Qırğızıstanın Oş Dövlət Universiteti və Bişkek Dövlət Universitetinin professor-müəllim heyəti Azərbaycan Dövlət Pedaqoji Universitetində (ADPU) olub.
Bu barədə 1xeber.media ADPU-dan bildirilib. Qonaqlar ADPU-nun əsas tədris binası, STEAM Mərkəzi, Kitabxana-İnformasiya Mərkəzi və mərkəzin elektron kitabxana sistemi ilə tanış olub, universitetin infrastrukturu və təhsil imkanları haqqında məlumat əldə ediblər.
Daha sonra ADPU-nun müvafiq fakültələrinin dekanları və kafedra müdirləri ilə görüş keçirilib. Görüşlər zamanı akademik əməkdaşlığın inkişaf etdirilməsi, tələbə və müəllim mübadiləsi, birgə elmi tədqiqatların aparılması və digər sahələrdə əməkdaşlığın genişləndirilməsi perspektivləri müzakirə edilib.
Görüşün sonunda Pedaqoji Universitetlə Oş Dövlət Universiteti və Bişkek Dövlət Universiteti arasında elmi və akademik əlaqələrin qurulması, gələcəkdə daha sıx əməkdaşlıq istiqamətində işlərin görülməsi barədə razılığa gəlinib.
