Vətəndaş tikinti şirkətinin onun evini qanunsuz sökdüyünü iddia edir... Qarşı tərəf isə vətəndaşın qaynı ilə birlikdə şirkətin ekskavatorunu yandırdığını bildirir...
Hadisə Paytaxtın Nəsimi rayonunda baş verib. Yusif Quliyev iddia edir ki, həyat yoldaşına məxsus ev tikinti şirkəti tərəfindən qanunsuz olaraq sökülüb. Bununla onlara ciddi ziyan vurulub. Zərərçəkmiş deyir ki, hadisə ilə bağlı məhkəməyə müraciət edib və onun xeyrinə qərar çıxarılıb.
Şikayətçi deyir ki, yalnız bir halda ailəsinə məxsus torpaq sahəsini tikinti şirkətinin öhdəliyinə verə bilər.
İddialarla bağlı adıçəkilən tikinti şirkəti ilə də əlaqə saxladıq. Maraqlıdır ki, şirkətin icraçı direktoru Aslan Quliyev deyir ki, dəymiş zərərə görə vətəndaş Yusif Quliyevə ödəniş edilib.
Şirkətin icraçı direktoru bildirib ki, hazırda məsələ ilə bağlı məhkəmə prosesi davam edir.
