II Dünya müharibəsindən sonra ötən 80 il ərzində bəşəriyyət müxtəlif müharibələrin və diplomatik mübarizənin şahidi olub. Və bu müharibələrdə/mübarizələrdə streotipləşmiş bir fraza var: müharibəni qazanan tərəf masada məğlub olur, yaxud qələbəni diplomatiya ilə rəsmiləşdirə bilmirlər;Amma İlham Əliyev XXI əsrdə müharibədə və masada qazanan yeganə lider olaraq adını tarixə yazdırdı.
Əliyevin fenomen strategiyası nəticəsində Azərbaycan Vaşinqton zirvəsindən zəfərlə ayrıldı.
Artıq 2 gündür nəinki ölkə gündəmi,hətta dünya gündəmində Azərbaycanın və onun liderinin qazandığı diplomatik qələbə müzakirə olunur.Siyasi şərhçilər,diplomatlar,ekspertlər müxtəlif fikirlər ,mülahizələr irəli sürürlər.Zamanında iki ölkəni sülhə çağıran sabiq deputat,tarixi yazar,hüquq elmləri üzrə fəlsəfə doktoru Cahangir Hüseynov da bu tarixi görüşə özünəməxsus şəkildə fikir bildirib.Siyasətçi Vaşinqtonda keçirilən liderlərinin görüşünü regionda sülh prosesi baxımdan mühüm mərhələ kimi qiymətləndirir.
Görüşdən sonra tərəflərin sülh sazişinin mətni üzərində razılığa gəlməsini, sənədin paraflanması və növbəti addımların müzakirəsi prosesinin həlledici mərhələyə daxil olduğunu söyləyən Hüseynov ABŞ-ın bu prosesə cəlb olunmasını siyasi və iqtisadi baxımdan da mühüm əhəmiyyət daşıdığını bildirir.
